Soybean Rate: सोयाबीन भाव वाढले, भावात आनखी तेजी येनार ?सोयाबीन दरातील सुधारणा आणि प्रक्रिया प्लांटचे भाव गेल्या काही दिवसांपासून सोयाबीनच्या दरात सकारात्मक सुधारणा पाहायला मिळत आहे. विशेषतः प्रक्रिया प्लांटमध्ये सोयाबीनचे भाव ५,००० रुपयांच्या पार पोहोचले आहेत. बाजार समित्यांमध्येही सोयाबीनचा दर ४,६०० ते ४,७०० रुपयांच्या दरम्यान स्थिरावला आहे. आठवडाभराचा विचार केला तर दरामध्ये १०० ते १५० रुपयांची वाढ दिसून आली असून, सोमवारी जे भाव ४,४०० रुपयांच्या आसपास होते, ते शनिवारी ५,००० रुपयांच्या उंबरठ्यावर पोहोचले आहेत. प्रक्रिया प्लांट आणि स्थानिक बाजारपेठ यांच्या दरात साधारणपणे २०० ते ३०० रुपयांची तफावत जाणवत आहे, जी वाहतूक आणि अंतराप्रमाणे बदलत असते.
हमीभाव खरेदीची स्थिती आणि अडचणी राज्यात १५ नोव्हेंबरपासून हमीभावाने सोयाबीन खरेदी सुरू झाली असली, तरी तिची गती अत्यंत संथ आहे. महाराष्ट्रासाठी १८ लाख ५० हजार टन खरेदीचे उद्दिष्ट ठेवण्यात आले होते, त्यापैकी आतापर्यंत केवळ १६ टक्के म्हणजे सुमारे ३ लाख १५ हजार टन सोयाबीनची खरेदी पूर्ण झाली आहे. अनेक खरेदी केंद्रांवर बारदाण्याची (पोत्यांची) मोठी टंचाई जाणवत आहे. पणन महासंघाने ४० लाख बारदाण्याची मागणी केली होती, परंतु प्रत्यक्षात केवळ ११ लाख बारदाणे उपलब्ध झाले आहेत. काही ठिकाणी बारदाणा आहे तर बारकोड नाही, अशी तांत्रिक अडचणही समोर येत आहे, ज्यामुळे अनेक केंद्रांवरील खरेदी ठप्प झाली आहे.
